მანდატურის სამსახურის სოციალური მუშაკის ორგანიზებით, N153 საჯარო სკოლაში საფეხბურთო ჩემპიონატი გაიმართა

ბავშვთა უფლებების დაცვის კვირეულის ფარგლებში, საგანმანათლებლო დაწესებულების მანდატურის სამსახურის ფსიქოსოციალური მომსახურების ცენტრის სოციალური მუშაკის ორგანიზებითა და სკოლის ადმინისტრაციის მხარდაჭერით, თბილისის N153 საჯარო სკოლაში საფეხბურთო ჩემპიონატი გაიმართა. 

ტურნირი 2 ასაკობრივი კატეგორიის მოსწავლეების მონაწილეობით ჩატარდა. სკოლის ტერიტორიაზე არსებულ მინი სტადიონზე ერთმანეთს VII - IX და X – XI კლასების მოსწავლეები შეეჯიბრნენ. სპორტულ თამაშში 76 მოსწავლისგან დაკომპლექტებული 9 გუნდი მონაწილეობდა.

გამარჯვებულ გუნდებს „მანდატურის სამსახურის თასი“  გადაეცათ.

ღონისძიების მიზანია მოსწავლეებს შორის სოციალური შეჭიდულობის ზრდა, მეგობრული გარემოს ფორმირება, ჯანსაღი ცხოვრების წესის პოპულარიზაცია და მხარდაჭერა. მსგავსი აქტივობები მომავალში სხვა საჯარო სკოლებშიც გაიმართება.