საგანმანათლებლო დაწესებულების მანდატურებმა ადამიანის უფლებათა სწავლების პროგრამით ტრენერთა ტრენინგი გაიარეს

თბილისის, ქვემო ქართლისა და შიდა ქართლის რეგიონების საგანმანათლებლო დაწესებულების 17 მანდატური, ადამიანის უფლებათა სწავლების მიმართულებით, ტრენერთა ტრენინგის პროგრამით გადამზადდა.

მანდატურებმა გაიარეს ისეთი საკითხები, როგორიცაა: სტერეოტიპები, სტიგმა და დისკრიმინაცია; ტოლერანტობა და მრავალფეროვნება; ბულინგი და კიბერბულინგი; სიძულვილის ენა და მასთან ბრძოლის მექანიზმები; ბავშვის უფლებების კონვენცია; ადამიანის უფლებათა სწავლება - მიდგომები და მეთოდოლოგია; მანდატურის როლი ადამიანის უფლებათა სწავლების სფეროში. 

ტრენინგს საგანმანათლებლო დაწესებულების მანდატურის სამსახურის ტრენერად გადამზადებული თანამშრომლები, ევროპის საბჭოს ექსპერტების სუპერვიზიით უძღვებოდნენ.

ტრენინგი ჩატარდა საქართველოში ევროპის საბჭოს ოფისის მხარდაჭერით, პროექტის - „თანასწორობის დაცვისა და დისკრიმინაციის დაუშვებლობის ეფექტური მექანიზმების ხელშეწყობა საქართველოში“ ფარგლებში.