საგანმანათლებლო დაწესებულების მანდატურის სამსახურის თანამშრომლებმა ადამიანის უფლებების თემაზე ტრენინგი გაიარეს

საქართველოში ევროპის საბჭოს ოფისის მხარდაჭერით, საგანმანათლებლო დაწესებულების მანდატურის სამსახურის 20-მა თანამშრომელმა ადამიანის უფლებების თემაზე ტრენინგი გაიარა.

ტრენინგის მონაწილეები დეტალურად გაეცნენ ისეთ საკითხებს, როგორიცაა: ბავშვის უფლებათა კონვენცია; სტერეოტიპები, სტიგმა და დისკრიმინაცია; სიძულვილის ენა და დაცვის მექანიზმები;  ბულინგი და კიბერბულინგი.

ტრენინგს საგანმანათლებლო დაწესებულების მანდატურის სამსახურის დაგეგმარებისა და ანალიზის სამმართველოს ტრენერად გადამზადებული კოორდინატორები უძღვებოდნენ.

ტრენინგის დახურვას საგანმანათლებლო დაწესებულების მანდატურის სამსახურის უფროსი სოფიო აბულაშვილი დაესწრო. მან ტრენინგის მონაწილეებს განგრძობითი განათლების პროცესში აქტიური ჩართულობისთვის მადლობა გადაუხადა და წარმატება უსურვა. სოფიო აბულაშვილმა ასევე ყურადღება გაამახვილა საგანმანათლებლო დაწესებულების მანდატურის სამსახურსა და საქართველოში ევროპის საბჭოს ოფისს შორის არსებულ მჭიდრო პარტნიორულ ურთიერთობებზე და ამ ნაყოფიერი თანამშრომლობის გაგრძელების იმედი გამოთქვა. 

ტრენინგი მანდატურის სამსახურის თანამშრომლებისთვის ჩატარდა ევროპის საბჭოს პროექტის - „თანასწორობის დაცვისა და დისკრიმინაციის დაუშვებლობის ეფექტური მექანიზმების ხელშეწყობა საქართველოში“ ფარგლებში.