მანდატურის სამსახურის სოციალური მუშაკის ორგანიზებით, თბილისის N153 საჯარო სკოლაში საფეხბურთო ჩემპიონატი გაიმართა

მოსწავლეთა სოციალიზაციის, მეგობრული გარემოს ფორმირებისა და ჯანსაღი ცხოვრების პოპულარიზაციის მიზნით, საგანმანათლებლო დაწესებულების მანდატურის სამსახურის სოციალური მუშაკის ორგანიზებითა და სკოლის ადმინისტრაციის მხარდაჭერით, ქალაქ თბილისის 153-ე საჯარო სკოლაში საფეხბურთო ჩემპიონატი გაიმართა.

ტურნირი 3 ასაკობრივი კატეგორიის მოსწავლეების მონაწილეობით ჩატარდა. სკოლის ტერიტორიაზე არსებულ მინი სტადიონზე ერთმანეთს V-VI, VII - IX და X – XI კლასების მოსწავლეები შეეჯიბრნენ. სპორტულ თამაშში 19 გუნდი მონაწილეობდა.

გამარჯვებულ გუნდებს „მანდატურის სამსახურის თასი“ გადაეცათ.