საგანმანათლებლო დაწესებულების მანდატურის სამსახურის ორგანიზებით, ინტელექტუალური თამაში მოსწავლეებისთვის თელავში გაიმართა

საგანმანათლებლო დაწესებულების მანდატურის სამსახურის ორგანიზებითა და ევროპის საბჭოს მხარდაჭერით, კახეთის რეგიონის საჯარო სკოლების მოსწავლეებისთვის თანასწორობის თემაზე ინტელექტუალური თამაში გაიმართა.

შეჯიბრში თელავის N1, N2, N4, N5, N7 და N9 საჯარო სკოლების მე-10 კლასების მოსწავლეები მონაწილეობდნენ.

გუნდებმა თანასწორობასთან, ტოლერანტობასთან და ადამიანის უფლებებთან დაკავშირებულ შეკითხვებს უპასუხეს. ასევე, გაიხსენეს მნიშვნელოვანი მოვლენები და ადამიანები საქართველოდან და მსოფლიოდან, რომლებმაც ისტორიის მსვლელობაზე გარდამტეხი ზეგავლენა მოახდინეს.

ინტელექტუალურ შეჯიბრში გამარჯვება თელავის N9 საჯარო სკოლის მოსწავლეებმა მოიპოვეს.

თამაშის გამარჯვებულებსა და მონაწილეებს, ევროპის საბჭოს სახელით, სამახსოვრო საჩუქრები და ვაუჩერები გადაეცათ.

საგანმანათლებლო დაწესებულების მანდატურის სამსახურის ორგანიზებით, მსგავსი ინტელექტუალური შეჯიბრებები, მიმდინარე წლის ბოლომდე, ბათუმში, ქუთაისსა და ახალციხეშიც გაიმართება.