მანდატურის სამსახურის თანამშრომლები გენდერული ნიშნით და ოჯახში ძალადობის საკითხებზე ტრენინგს დაესწრნენ

საგანმანათლებლო დაწესებულების მანდატურის სამსახურის თანამშრომლებმა გენდერული ნიშნით და ოჯახში ძალადობის საკითხებზე გამართულ ტრენინგში მიიღეს მონაწილეობა.

ტრენინგს საგანმანათლებლო დაწესებულების მანდატურის სამსახურის უფროსი სოფიო აბულაშვილი და სამსახურში არსებული სტრუქტურული ერთეულის ხელმძღვანელები დაესწრნენ. 

ტრენინგის მონაწილეებმა განიხილეს ისეთი საკითხები, როგორიცაა: გენდერული როლები და სტერეოტიპები; გენდერული თანასწორობა და ადამიანის უფლებები; ქალთა მიმართ, ასევე, ოჯახში ძალადობისა და მასზე რეაგირების მექანიზმების შესახებ საქართველოს კანონმდებლობის განვითარების ძირითადი ეტაპები; ქალთა მიმართ და ოჯახში ძალადობის სფეროს მარეგულირებელი ძირითადი საერთაშორისო და რეგიონული ინსტრუმენტები; ადამიანის უფლებათა ევროპული სასამართლოსა და CEDAW კომიტეტის სტანდარტები და პრეცედენტული საქმეები; ძალადობაგამოვლილი პირებისთვის გათვალისწინებული სერვისები და ძალადობის მსხვერპლი ბავშვების ფსიქოლოგიურ-სოციალური მომსახურება.

ტრენინგი ორგანიზებული იყო გაეროს ქალთა ორგანიზაციის მიერ, ქალთა მიმართ ძალადობის წინააღმდეგ ბრძოლის გლობალური კამპანიის ფარგლებში, UN Women-ის კონსულტანტების მონაწილეობით.