საგანმანათლებლო დაწესებულების მანდატურებმა სკოლებში თანასწორობის თემაზე მრავალფეროვანი საინფორმაციო-შემეცნებითი ღონისძიებები ჩაატარეს

საგანმანათლებლო დაწესებულების მანდატურის სამსახურის ორგანიზებით, თბილისისა და რეგიონების საჯარო სკოლებში თანასწორობის თემაზე მრავალფეროვანი საინფორმაციო-შემეცნებითი და საგანმანათლებლო ღონისძიებები გაიმართა. 

ტრენერმა მანდატურებმა და დაგეგმარებისა და ანალიზის სამმართველოს კოორდინატორებმა სხვადასხვა საფეხურის მოსწავლეებთან ტოლერანტობის, თანასწორობისა და ადამიანის უფლებების თემებზე საინფორმაციო-საგანმანათლებლო შეხვედრები ჩაატარეს. შეხვედრების დასრულების შემდეგ, მოსწავლეებმა თანასწორობის თემისადმი მიძღვნილი პრეზენტაციები, ნახატები და პოსტერები მოამზადეს. გამოფენის მონაწილე მოსწავლეებს, მანდატურის სამსახურის სახელით, სერტიფიკატები გადაეცათ.

ღონისძიებები ევროპის საბჭოს „თანასწორობის კვირეულის“ ფარგლებში გაიმართა.