მანდატურის სამსახურმა თანასწორობის კვირეული მრავალფეროვანი საგანმანათლებლო-შემეცნებითი ღონისძიებებით აღნიშნა

საგანმანათლებლო დაწესებულების მანდატურის სამსახურის სოციალური მუშაკებისა და მანდატურების ორგანიზებით, თბილისისა და რეგიონების საჯარო სკოლებში, თანასწორობის კვირეულის ფარგლებში, მრავალფეროვანი საგანმანათლებლო-შემეცნებითი ღონისძიებები გაიმართა.

მანდატურის სამსახურის წარმომადგენლებმა მოსწავლეებთან თანასწორობისა და ტოლერანტობის თემებზე საინფორმაციო და საგანმანათლებლო შეხვედრები ჩაატარეს. ბავშვებმა მოამზადეს შემეცნებით პოსტერები, ნახატები და კედლის გაზეთები, ასევე, წარმოადგინეს პრეზენტაციები საქართველოში მცხოვრები ეთნიკური ჯგუფების ტრადიციებისა და კულტურის შესახებ.

ღონისძიებების მონაწილე მოსწავლეებს, ევროპის საბჭოსა და საგანმანათლებლო დაწესებულების მანდატურის სამსახურის სახელით, სამახსოვრო საჩუქრები და მადლობის სიგელები გადაეცათ.