ახალი ამბები
აუტიზმის შესახებ ცნობადობის ამაღლების მსოფლიო დღეს მანდატურის სამსახურმა სკოლებში საგანმანათლებლო-შემეცნებითი ღონისძიებები ჩაატარა

აუტიზმის შესახებ ცნობადობის ამაღლების საერთაშორისო დღესთან დაკავშირებით, საგანმანათლებლო დაწესებულების მანდატურის სამსახურის სოციალური მუშაკების ორგანიზებით, თბილისისა და რეგიონების საჯარო სკოლებში მრავალფეროვანი საინფორმაციო-შემეცნებითი და საგანმანათლებლო ღონისძიებები გაიმართა.
აუტიზმის სპექტრის შესახებ ცნობადობის გაზრდის მიზნით, სოციალურმა მუშაკებმა მოსწავლეებს აუტიზმთან დაკავშირებულ სტერეოტიპებზე, მითებსა და რეალობაზე ინფორმაცია მიაწოდეს, მოეწყო თემატური ფილმების განხილვა და დისკუსია. ბავშვები გაეცნენ აუტიზმის სპექტრის მქონე, წარმატებული ადამიანების - ცნობილი მეცნიერების, გამომგონებლების და ხელოვანების ბიოგრაფიებს.
გაეროს გენერალური ასამბლეის ეგიდით, ყოველი წლის 2 აპრილს აუტიზმის შესახებ ცნობადობის ამაღლების მსოფლიო დღე აღინიშნება.
ინკლუზიური განათლების პირობებში, აუტიზმის სპექტრის მქონე ბავშვები განათლებას საქართველოს საგანმანათლებლო დაწესებულებებში თანატოლებთან ერთად იღებენ. დამატებით, 11 საჯარო სკოლაში - თბილისში, ქუთაისსა და ბათუმში აუტიზმის მქონე ბავშვების განათლების ხელშესაწყობად შეთავაზებულია ინტეგრირებული კლასების მომსახურება.
სსიპ საგანმანათლებლო დაწესებულების მანდატურის სამსახური, ინკლუზიური და სპეციალური განათლების მხარდამჭერი მომსახურების ფარგლებში, პროფესიულ დახმარებას უწევს სკოლებსა და მშობლებს აუტიზმის სპექტრის მქონე მოსწავლეების განათლების პროცესში.
აუტიზმის სპექტრის მქონე ადამიანების მიმართ მაღალი მიმღებლობით, მათი მხარდაჭერითა და გაძლიერებით, იქმნება სამყარო, სადაც ყველას თანაბრად შეუძლია განვითარება და რეალიზება.
სასარგებლო ბმულები
საქართველოს განათლების, მეცნიერებისა და ახალგაზრდობის სამინისტრო
განათლების მართვის საინფორმაციო სისტემა
შეფასებისა და გამოცდების ეროვნული ცენტრი
განათლების ხარისხის განვითარების ეროვნული ცენტრი
საგანმანათლებლო და სამეცნიერო ინფრასტრუქტურის განვითარების სააგენტო
მასწავლებელთა პროფესიული განვითარების ეროვნული ცენტრი
შოთა რუსთაველის საქართველოს ეროვნული სამეცნიერო ფონდი
განათლების საერთაშორისო ცენტრი