საგანმანათლებლო დაწესებულების მანდატურის სამსახურის 20-მა თანამშრომელმა მონაწილეობა მიიღო ქალთა მიმართ და ოჯახში ძალადობის საკითხებზე გამართულ ტრენინგში.

საგანმანათლებლო დაწესებულების მანდატურის სამსახურის 20-მა თანამშრომელმა მონაწილეობა მიიღო ტრენინგში, რომელიც ქალთა მიმართ და ოჯახში ძალადობის თემებს შეეხებოდა. ტრენინგს გაეროს ქალთა ორგანიზაციის კონსულტანტები უძღვებოდნენ.

შეხვედრაზე განიხილეს შემდეგი საკითხები: ძალადობის ფორმები და მათი ამოცნობის სირთულეები; ოჯახში ძალადობის ფსიქოლოგიური თავისებურებები; ბავშვზე ძალადობა ოჯახურ გარემოში; ძალადობის მსხვერპლ ქალთა და ბავშვთა მიმართ მხარდაჭერის სტრატეგიები; ეფექტიანი კომუნიკაციის ძირითადი პრინციპები; რეაგირების მექანიზმები ქალთა და ოჯახში ძალადობის შემთხვევებზე; და ძალადობის მსხვერპლთათვის ხელმისაწვდომი სერვისები.

ღონისძიება გაეროს ქალთა ორგანიზაციის მხარდაჭერით გაიმართა და მიზნად ისახავდა საგანმანათლებლო დაწესებულების მანდატურის სამსახურის სოციალური მუშაკების, ფსიქოლოგებისა და მანდატურების უნარების გაძლიერებას ძალადობის პრევენციისა და რეაგირების მიმართულებით.

#UNWomenGeorgia