პავლე მაჭარაშვილმა ხაზი გაუსვა მანდატურის სამსახურის როლის მნიშვნელობას მოსწავლეთა უსაფრთხოებისა და მხარდაჭერის უზრუნველყოფის პროცესში. მან, ისაუბრა გუნდურ თანამშრომლობაზე დაფუძნებული და ბავშვის საჭიროებებზე მორგებული კომპლექსური მიდგომების განვითარებაზე. სამსახურის უფროსმა თანამშრომლებს სამომავლო გეგმები და ახალი ინიციატივები გააცნო, რომლებიც მიზნად ისახავს თანამშრომელთა პროფესიული განვითარების ხელშეწყობასა და სამუშაო პროცესის ეფექტიანობის გაზრდას.

დასასრულს მან მადლობა გადაუხადა თანამშრომლებს პროფესიონალიზმისთვის, მაღალი პასუხისმგებლობით შესრულებული სამუშაოსთვის და წარმატებული სასწავლო წელი უსურვა.