მანდატურის სამსახურის უფროსი სამეგრელოსა და ზემო სვანეთის რეგიონული ცენტრის თანამშრომლებს შეხვდა

მანდატურის სამსახურის უფროსმა, პავლე მაჭარაშვილმა, მოადგილეებთან ეკატერინე დგებუაძესთან, ირაკლი ჯიშკარიანთან და სამსახურის სტრუქტურული ერთეულების ხელმძღვანელებთან ერთად, სამეგრელოსა და ზემო სვანეთის რეგიონის ადგილობრივ თანამშრომლებთან სამუშაო შეხვედრები გამართა.

შეხვედრებზე პავლე მაჭარაშვილმა ისაუბრა მანდატურის სამსახურის როლზე სასკოლო სივრცეში და განსაკუთრებით გაუსვა ხაზი მანდატურების, ფსიქოლოგების, სოციალური მუშაკებისა და ინკლუზიის მიმართულებით მომუშავე სპეციალისტების მნიშვნელოვან წვლილს თითოეული მოსწავლისა და სასკოლო საზოგადოების უსაფრთხოებისა და კეთილდღეობის უზრუნველყოფაში.

პავლე მაჭარაშვილმა მადლობა გადაუხადა თანამშრომლებს პროფესიონალიზმისა და გუნდური მუშაობისთვის.