მანდატურის სამსახურის უფროსმა სამუშაო შეხვედრები იმერეთის, რაჭა-ლეჩხუმისა და ქვემო სვანეთის ცენტრის თანამშრომლებთან გამართა

მანდატურის სამსახურის უფროსი, პავლე მაჭარაშვილი სამუშაო ვიზიტების ფარგლებში იმერეთის, რაჭა-ლეჩხუმისა და ქვემო სვანეთის რეგიონის თანამშრომლებს შეხვდა.

პავლე მაჭარაშვილმა თანამშრომლებს  გააცნო ახალი ინიციატივები და სამომავლო გეგმები, რომლებიც მიზნად ისახავს მათი პროფესიული განვითარების ხელშეწყობასა და სამუშაო პროცესის ეფექტიანობის გაზრდას.

მანდატურის სამსახურის უფროსმა მოისმინა თანამშრომლების საჭიროებები, მადლობა გადაუხადა მათ პროფესიონალიზმისთვის და წარმატებული სასწავლო წელი უსურვა. პავლე მაჭარაშვილმა ყურადღება ასევე გაამახვილა სასკოლო თემის წინაშე არსებულ გამოწვევებზე და მათი გადაჭრის გზებზე.

შეხვედრებს ესწრებოდნენ სამსახურის უფროსის მოადგილეები ეკატერინე დგებუაძე, ირაკლი ჯიშკარიანი და სტრუქტურული ერთეულების ხელმძღვანელები.