საგანმანათლებლო დაწესებულების მანდატურის სამსახურის წარმომადგენლებმა რესურსსკოლების დირექტორებთან შეხვედრა გამართეს

სამუშაო შეხვედრაზე მანდატურის სამსახურის უფროსმა, პავლე მაჭარაშვილმა, ხაზი გაუსვა რესურსსკოლების გაძლიერების მნიშვნელობას და ისაუბრა მათი გამოცდილებისა და პრაქტიკის გაზიარების საჭიროებაზე საჯარო სკოლებთან თანამშრომლობის ნაწილში.

შეხვედრის ფარგლებში  განიხილეს ის გამოწვევები, რასაც რესურსსკოლები სწავლა-სწავლების პროცესში აწყდებიან და იმსჯელეს მათი გადაჭრის გზებზე.

რესურსსკოლების დირექტორებმა გამოთქვეს მზაობა, რომ შექმნილი საგანმანათლებლო რესურსები და სპეციალური საგანმანათლებლო საჭიროების მქონე მოსწავლეებთან  სწავლების დაგროვებული გამოცდილება და პრაქტიკა გაუზიარონ დაინტერესებულ პირებს. ასევე, საჯარო სკოლების გაძლიერებაში მიიღონ მონაწილეობა.

შეხვედრას მანდატურის სამსახურის უფროსის მოადგილე ეკატერინე დგებუაძე და ინკლუზიური და სპეციალური განათლების მხარდამჭერი ცენტრის (სამმართველო) თანამშრომლები ესწრებოდნენ.