საქართველოს საჯარო სკოლებში ფსიქოაქტიური ნივთიერებების ავადმოხმარების პრევენციის კამპანია - „მე მომავალში“ გრძელდება

შინაგან საქმეთა სამინისტროსთან თანამშრომლობით საგანმანათლებლო დაწესებულების მანდატურის სამსახური ერთობლივი კამპანიის - „მე, მომავალში“ საინფორმაციო შეხვედრებს აგრძელებს.

კამპანიის მორიგი საინფორმაციო შეხვედრები, საქართველოს მასშტაბით, 18  საჯარო სკოლაში გაიმართა, 11-14 წლის ასაკის სკოლის მოსწავლეებთან. შეხვედრებს მანდატურის სამსახურის სპეციალისტი და შინაგან საქმეთა სამინისტროს მართლწესრიგის ოფიცერი უძღვებიან.

საინფორმაციო შეხვედრები მანდატურის სამსახურის სპეციალისტების მიერ შემუშავებული მოდულით მიმდინარეობს ისეთ თემებზე, როგორიცაა: ჯანსაღი ცხოვრების წესი, ასერტულობა, სოციალური წნეხის ამოცნობა და გააზრება, რათა მათ უკეთ შეძლონ ცდუნებებზე უარის თქმა რეალურ სიტუაციებში.

კამპანიის — „მე, მომავალში“ მიზანია მოზარდებში ჯანსაღი ცხოვრების წესის პოპულარიზაცია და ფსიქოაქტიური ნივთიერებების ავადმოხმარების პრევენცია.