მანდატურის სამსახურის უფროსი პავლე მაჭარაშვილი ქვემო ქართლის რეგიონის თანამშრომლებს შეხვდა

მანდატურის სამსახურის უფროსმა პავლე მაჭარაშვილმა ქვემო ქართლის რეგიონის თანამშრომლებთან სამუშაო შეხვერა გამართა.

შეხვედრაზე პავლე მაჭარაშვილმა  სხვადასხვა უწყებებთან კოორდინირებულ მუშაობასა და მანდატურის სამსახურის წინაშე არსებულ გამოწვევებზე ისაუბრა. მან ხაზგასმით აღნიშნა მანდატურების, ფსიქოლოგების, სოციალური მუშაკებისა და ინკლუზიის მიმართულების სპეციალისტების წვლილი თითოეული მოსწავლის და  სასკოლო საზოგადოების უსაფრთხოებისა და კეთილდღეობის უზრუნველყოფაში.

სამუშაო ვიზიტის ფარგლებში, პავლე მაჭარაშვილი ადგილზე გაეცნო თანამშრომლების საჭიროებებს, მადლობა გადაუხადა მათ პროფესიონალიზმისთვის და მაღალი პასუხისმგებლობით შესრულებული სამუშაოსთვის.

აღნიშნულ შეხვედრას ასევე ესწრებოდნენ მანდატურის სამსახურის უფროსის მოადგილე ეკატერინე დგებუაძე და სხვადასხვა სტრუქტურული ერთეულის ხელმძღვანელი პირები.