მანდატურის სამსახურის ხელმძღვანელმა თბილისისა და მცხეთა-მთიანეთის მანდატურებთან სამუშაო შეხვედრები გამართა

საგანმანათლებლო დაწესებულების მანდატურის სამსახურის ხელმძღვანელმა, პავლე მაჭარაშვილმა თბილისისა და მცხეთა-მთიანეთის ცენტრის საგანმანათლებლო დაწესებულების მანდატურებთან სამუშაო შეხვედრები გამართა.

შეხვედრის ფარგლებში პავლე მაჭარაშვილმა მოსწავლეთა უსაფრთხოებისა და მხარდაჭერის უზრუნველყოფის პროცესში მანდატურების მნიშვნელოვან როლზე ისაუბრა და თანამშრომლებს მადლობა გადაუხადა დაუღალავი შრომისთვის.

საუბარი შეეხო სამსახურის განვითარების სამომავლო გეგმებს და მანდატურთა სამუშაო პროცესის ეფექტიანობის გაზრდის მიზნით, დაგეგმილ პროექტებს.

შეხვედრები კითხვა-პასუხის რეჟიმში წარიმართა და მონაწილეებმა სხვადასხვა საკითხთან დაკავშირებით ამომწურავი ინფორმაცია მიიღეს.