22.01.2026

ფსიქოსაგანმანათლებლო შეფასებისა და კონსულტირების სპეციალისტების (ქცევის კონსულტანტები) შესარჩევი კონკურსი

სსიპ საგანმანათლებლო დაწესებულების მანდატურის სამსახური

 

აცხადებს კონკურსს ინკლუზიური და სპეციალური განათლების მხარდამჭერი ცენტრის (სამმართველო) ფსიქოსაგანმანათლებლო შეფასებისა და კონსულტირების სპეციალისტების (ქცევის კონსულტანტები) პოზიციაზე შემდეგ ტერიტორიულ ერთეულებში:

 

 

• თბილისი - 1 ვაკანსია;
• კახეთი - 1 ვაკანსია.

 

კონკურსის პირობები და კანდიდატისათვის წაყენებული სავალდებულო მოთხოვნები:

ძირითადი საკვალიფიკაციო მოთხოვნები:

ა) უმაღლესი განათლება - ბაკალავრის აკადემიური ხარისხი ინკლუზიური/სპეციალური განათლების ან ფსიქოლოგიის მიმართულებით ან ოკუპაციური თერაპიის მიმართულებით;

ბ) გავლილი აქვს ქცევის გამოყენებითი ანალიზის 40 საათიანი საბაზისო კურსი;

გ) ქცევის გამოყენებითი ანალიზის მიდგომით/ქცევის თერაპევტად მუშაობის  გამოცდილება - არანაკლებ 2 წელი;

დ) გავლილი აქვს საერთაშორისო ქცევის ანალიტიკოსის მოსამზადებელი კურსი ან არის ამავე კურსის სტუდენტი (სასურველი);

ე) ინკლუზიური განათლების მიმართულებით, მათ შორის რთული ქცევის მართვის საკითხებზე ტრენინგების ჩატარების გამოცდილება (სასურველი);

ვ)  სპეციალური საგანმანათლებლო საჭიროების მქონე ან/და შეზღუდული შესაძლებლობის მქონე ბავშვების/მოსწავლეების მშობლებისთვის/კანონიერი წარმომადგენლებისათვის ქცევასთან დაკავშირებით კონსულტირების გაწევის  გამოცდილება (სასურველი);

ზ)  შეფასების ანგარიშების წერის გამოცდილება;

თ) სახელმწიფო ენის სრულყოფილი ცოდნა;

ი) ინგლისური ენის ცოდნა (სასურველი);

 

კ) საოფისე პროგრამების კარგი ცოდნა (Microsoft Word; Microsoft Excel; Microsoft PowerPoint, Microsoft Outlook).

 

შრომის ანაზღაურება: 2400 ლარი (დარიცხული)

 

სამუშაოს ტიპი: სრული განაკვეთი

 

 

დასაქმების ფორმა: შრომითი ხელშეკრულება

 

 

გამოსაცდელი ვადა: 6 თვე

 

 

ვაკანტური ადგილების რაოდენობა: 2

 

საკონკურსო თემატიკა:

ა) „ზოგადი განათლების შესახებ“ საქართველოს კანონი;

ბ) საქართველოს კანონი „შეზღუდული შესაძლებლობის მქონე პირთა უფლებების შესახებ“;

გ) „ინკლუზიური განათლების დანერგვის, განვითარებისა და მონიტორინგის წესების, აგრეთვე სპეციალური საგანმანათლებლო საჭიროების მქონე მოსწავლეთა იდენტიფიკაციის მექანიზმის დამტკიცების თაობაზე“ საქართველოს განათლებისა და მეცნიერების  მინისტრის N16/ნ ბრძანება;

 

დ) “ფსიქოსაგანმანათლებლო შეფასებისა და კონსულტირების განხორციელების წესისა და პირობების დამტკიცების შესახებ” საქართველოს განათლების, მეცნიერებისა და ახალგაზრდობის მინისტრის N28/ნ ბრძანება.

 

 

ფუნქცია-მოვალეობები:

ა) ხელი შეუწყოს სამოქმედო ტერიტორიაზე ინკლუზიური განათლების პროცესის განხორციელებას, საქართველოს განათლების, მეცნიერებისა და ახალგაზრდობის სამინისტროს ტერიტორიულ ორგანოებთან - საგანმანათლებლო რესურსცენტრებთან, საგანმანათლებლო დაწესებულებებთან, ადგილობრივ თვითმმართველობასთან, სამთავრობო და არასამთავრობო ორგანიზაციებთან აქტიური თანამშრომლობის საფუძველზე; ბ) მის სამოქმედო ტერიტორიაზე შესაბამისი მომართვის საპასუხოდ, უზრუნველყოს მოსწავლის ქცევით სირთულეებთან დაკავშირებით საკონსულტაციო მომსახურების გაწევა, ასევე მოსწავლის მშობლისთვის/კანონიერი წარმომადგენლისთვის და საგანმანათლებლო დაწესებულების წარმომადგენლებისთვის საკონსულტაციო მომსახურების გაწევა; გ) საკონსულტაციო მომსახურების პროცესში ეცნობა მოსწავლის ფსიქოსაგანმანათლებლო შეფასების დასკვნას, აფასებს მოსწავლის ქცევას მის საგანმანათლებლო გარემოში, ახდენს ქცევის ფუნქციურ ანალიზს და შეისწავლის მოსწავლის საგანმანათლებლო/სასწავლო კონტექსტს და გასცემს არასასრუველი ქცევის მართვასთან დაკავშირებულ რეკომენდაციებს; დ) უზრუნველყოს მომსახურების დროული და მაღალი ხარისხით გაწევა ინკლუზიური და სპეციალური განათლების მხარდამჭერ ცენტრში (სამმართველო) (შემდგომ - ცენტრი) შემოსულ  მომართვებზე. ასევე, თავის პროფესიულ საქმიანობასთან დაკავშირებული ჩანაწერების/დოკუმენტაციის წარმოება ცენტრის მიერ განსაზღვრული პროცედურების, ვადებისა და ფორმების მიხედვით; ე) ქცევის შეფასების შედეგებზე დაყრდნობით, შეიმუშავებს რეკომენდაციას  მოსწავლის განათლების მხარდაჭერისთვის  საჭირო სპეციალისტის/სპეციალისტების განსაზღვრის თაობაზე; ვ) შეფასების შედეგებზე დაყრდნობით მოამზადოს ქცევის შეფასების დასკვნა/ანგარიში და უზრუნველყოს დასკვნაში/ანგარიშში წერილობით ასახული ინფორმაციის გაცნობა/განმარტება მოსწავლისთვის/პირისთვის, მისი მშობლის/კანონიერი წარმომადგენლისა და საგანმანათლებლო დაწესებულების წარმომადგენლებისთვის; ზ) ახორციელებს გეგმიურ და საჭიროებით განსაზღვრულ მონიტორინგს სკოლაში მოსწავლის არასასურველი ქცევის მართვის მიზნით გაცემული რეკომენდაციების შესრულებასთან დაკავშირებით; თ) მომსახურების მიმღების საუკეთესო ინტერესების გათვალისწინებით, კოორდინირებულად მუშაობს შემთხვევაში ჩართულ სხვადასხვა სპეციალისტთან/უწყებასთან, მონაწილეობს მულტიდისციპლინურ და მულტისექტორულ განხილვებში/შეხვედრებში; ი) უზრუნველყოფს ცენტრის მიერ განსაზღვრული ოქმების/ფორმების და დოკუმენტაციის, ასევე, ანგარიშების/სტატისტიკის წარმოებას მის მიერ გაწეული მომსახურების შესახებ და  მოთხოვნილ ინფორმაციას აწვდის ცენტრის კოორდინატორს ან/და ასახავს შესაბამის ელექტრონულ ფორმაში/ბაზაში; კ) უწყვეტი პროფესიული განვითარებისა და კომპეტენციების ამაღლების მიზნით,  მონაწილეობს შესაბამის ტრენინგებსა და სამუშაო შეხვედრებში, ასევე,  ცენტრის მიერ განსაზღვრულ პროფესიული ზედამხედველობის პროცედურებში; ლ) მონაწილეობას იღებს ცენტრში ორგანიზებულ სამუშაო შეხვედრებში, მის კომპეტენციაში შემავალი საკითხებისა და დოკუმენტაციის განხილვაში, ასევე, მეთოდოლოგიური რესურსების შემუშავების, ტრენინგების  მომზადებისა და ჩატარების პროცესში; მ) მოსწავლეებისთვის, მათი მშობლების/კანონიერი წარმომადგენლებისთვის, საგანმანათლებლო დაწესებულების ადმინისტრაციისთვის, მასწავლებლებისთვის, ინკლუზიურ განათლებაში ჩართული სპეციალისტებისთვის, ფსიქოსოციალური მომსახურების ცენტრის (სამმართველო) თანამშრომლებისთვის, საგანმანათლებლო დაწესებულების მანდატურთათვის/უფლებამოსილი პირებისთვის და სხვა დაინტერესებული მხარეებისთვის  უზრუნველყოფს კონსულტაციის გაწევას მის კომპეტენციაში შემავალ საკითხებზე; ნ) ინკლუზიური და სპეციალური განათლების მიმდინარეობის შესახებ ინფორმაციის მიღების და მის კომპეტენციებში შემავალი პრობლემური საკითხების გადაჭრის ხელშეწყობის მიზნით განახორციელოს  გეგმიური და საჭიროებით განპირობებული ვიზიტები საჯარო სკოლებსა და რესურსსკოლებში (სენსორული ან/და მძიმე/ღრმა ინტელექტუალური ან/და მრავლობითი დარღვევის მქონე ან მრავლობითი სენსორული დარღვევის მქონე (ყრუ და უსინათლო) ან ქცევითი და ემოციური აშლილობის მქონე მოსწავლეებისათვის განკუთვნილი სკოლა); ო) მონაწილეობს საჯარო სკოლების მიერ ინკლუზიურ განათლებაში ჩართული სპეციალისტების შერჩევის პროცესში; პ) მონაწილეობს ცენტრის ორგანიზებულ სამუშაო შეხვედრებში, მის კომპეტენციაში შემავალი  საკითხების, ინკლუზიური განათლების მარეგულირებელი დოკუმენტების განხილვასა და გადაწყვეტილების მიღების პროცესში, ასევე, ინკლუზიური და სპეციალური განათლების სფეროსთან დაკავშირებული მეთოდოლოგიური რესურსების შემუშავების, ტრენინგების, საინფორმაციო და საგანმანათლებლო ხასიათის შეხვედრების, მომზადებასა და ჩატარების პროცესში;   ჟ) ასრულებს კანონმდებლობით დადგენილ სხვა ფუქნცია-მოვალეობებს.

ელექტრონულ ფოსტაზე (hr3@mandaturi.gov.ge)გამოსაგზავნი დოკუმენტაცია:

ü  სააპლიკაციო ფორმა (შევსებული სრულად, არა სკანირებული);

ü  პირადობის დამადასტურებელი დოკუმენტი;

ü  უმაღლესი განათლების დამადასტურებელი დოკუმენტი;

ü  სამუშაო გამოცდილების დამადასტურებელი დოკუმენტი (ფუნქცია-მოვალეობების მითითებით);

üქცევის გამოყენებითი ანალიზის 40 საათიანი საბაზისო კურსის გავლის დამადასტურებელი სერტიფიკატი/დოკუმენტი.

 

კანდიდატს, რომელსაც აქვს უცხო ქვეყნის უმაღლესი განათლების დოკუმენტი, სავალდებულოა იყოს ქართულ ენაზე ნათარგმნი, ნოტარიულად დამოწმებული და აღიარებული ხარისხის განვითარების ეროვნულ ცენტრიდან.   

 

კანდიდატს, რომელსაც აქვს მაგისტრთან გათანაბრებული აკადემიური ხარისხი, სავალდებულოა წარმოადგინოს ნამდვილობის დადასტურების (გათანაბრების) დოკუმენტი ხარისხის განვითარების ეროვნულ ცენტრიდან.    

 

უცხო ქვეყნის მიერ გაცემული ნებისმიერი დოკუმენტი (სერტიფიკატი/სერტიფიცირებული/მოსამზადებელი კურსის გავლის დამადასტურებელი დოკუმენტი/ცნობა და ა.შ.) უნდა იყოს ქართულ ენაზე ნათარგმნი და ნოტარიულად დამოწმებული.                            

            

სამოტივაციო წერილი ივსება სააპლიკაციო ფორმაში (იხილეთ სააპლიკაციო ფორმა).

 

 

ცენტრის (სამმართველო) ფსიქოსაგანმანათლებლო შეფასებისა და კონსულტირების სპეციალისტის კანდიდატების შერჩევის ეტაპებია:

ü  კონკურსის გამოცხადება სსიპ საგანმანათლებლო დაწესებულების მანდატურის სამსახურის ოფიციალურ ვებ-გვერდზე;

ü  კანდიდატების მიერ წარდგენილი საკონკურსო განაცხადების გადარჩევა;

ü  კანდიდატის შეფასება (გასაუბრება).

 

საბუთების წარდგენა:

ü  კონკურსში მონაწილეობის მისაღებად დაინტერესებულმა პირმა ზემოთ მითითებული  დოკუმენტაცია უნდა წარმოადგინოს ელექტრონული ფორმით, შემდეგ მისამართზე: hr3@mandaturi.gov.ge

ü  დაინტერესებულ კანდიდატს ნებისმიერი ინფორმაცია, მათ შორის, კონკურსის შედეგების თაობაზე, მიეწოდება პირადი ელექტრონული ფოსტის მეშვეობით;

 

ü  კონკურსში მონაწილე პირთა განცხადებების მიღება იწარმოებს 2026 წლის 22 იანვრიდან 2026 წლის 31 იანვრის ჩათვლით;

 

ü  კონკურსის მონაწილე პირმა ელექტრონული ფოსტის გამოგზავნისას „თემა“-ში უნდა (subject) მიუთითოს  სახელი, გვარი და ვაკანტური პოზიციის დასახელება.

 

განაცხადის შესავსებად გთხოვთ, დააკლიკოთ აქ - სააპლიკაციო ფორმა

 

გადაწყვეტილების მიღების ფორმა და ვადა

გადაწყვეტილებას იღებს საკონკურსო კომისია ხმათა უმრავლესობით, განცხადების წარდგენის ვადის დასრულებიდან არაუგვიანეს 3 თვის ვადაში.

 

საკონკურსო კომისიის მისამართი: ქ. თბილისი, მ. ალექსიძის მე-2 შესახვევი, N2

 

კონკურსის შედეგად შერჩეულმა კანდიდატმა დანიშვნამდე უნდა წარმოადგინოს შემდეგი დოკუმენტაცია:

ü  რეზიუმე;

ü  2 ფოტოსურათი, ასევე დისკზე ჩაწერილი;

ü  პირადობის დამადასტურებელი დოკუმენტის ასლი;

ü  განათლების დამადასტურებელი დოკუმენტის ასლი;

ü  ცნობა ლევან სამხარაულის სახელობის სასამართლო ექსპერტიზის ეროვნული ბიუროდან ნარკოლოგიური აღრიცხვიანობისა და სამედიცინო-ნარკოლოგიური შემოწმების შესახებ;

ü  ჯანმრთელობის დამადასტურებელი დოკუმენტი (ფორმა N100);

ü  ცნობა ნასამართლობის შესახებ;

ü  ცნობა პირის მსჯავრდების შესახებ;

ü  ცნობა სქესობრივ დანაშაულზე ნასამართლობის შესახებ;

ü  ცნობა უფლების ჩამორთმევის შესახებ;

ü  27 წლამდე მამრობითი სქესის პირმა წვევამდელის სამხედრო აღრიცხვაზე ყოფნის ან წვევამდელის სამხედრო აღრიცხვიდან მოხსნის დამადასტურებელი დედანი დოკუმენტი, ასლთან ერთად.