ფსიქოაქტიური ნივთიერებების პრევენციის კამპანია „მე მომავალში“ საქართველოს მასშტაბით აქტიურად მიმდინარეობს

საგანმანათლებლო დაწესებულების მანდატურის სამსახურის, საქართველოს განათლების, მეცნიერებისა და ახალგაზრდობის სამინისტროსა და შინაგან საქმეთა სამინისტროს ერთობლივი კამპანია „მე მომავალში“ საქართველოს მასშტაბით აქტიურად მიმდინარეობს.

კამპანიის მეორე ეტაპის ფარგლებში, საინფორმაციო შეხვედრები 51 საჯარო სკოლაში 11-14 წლის 2200-მდე მოსწავლესთან ჩატარდა.

საინფორმაციო შეხვედრებზე მოსწავლეებს შესაძლებლობა აქვთ  სხვადასხვა ტიპის შემეცნებით და ინტერაქტიულ აქტივობებში მიიღონ მონაწილეობა, რომლებიც ხელს უწყობს მოსწავლეთა ჩართულობასა და მათი ცნობიერების ამაღლებას ჯანსაღი ცხოვრების წესის მნიშვნელობის შესახებ.