ფსიქოაქტიური ნივთიერებების ავადმოხმარების პრევენციის კამპანიის „მე მომავალში“ საინფორმაციო შეხვედრები დასრულდა

ფსიქოაქტიური ნივთიერებების ავადმოხმარების პრევენციის კამპანიის „მე მომავალში“ მეორე ეტაპის ფარგლებში, სკოლებში გამართული საინფორმაციო შეხვედრები წარმატებით დასრულდა.

კამპანიის ფარგლებში მანდატურის სამსახურის სპეციალისტებმა და მართლწესრიგის ოფიცრებმა ქვეყნის მასშტაბით საინფორმაციო შეხვედრები 100 საჯარო სკოლაში გამართეს და პროცესში VI-IX კლასის 4000-ზე მეტი მოსწავლე იყო ჩართული.

საინფორმაციო შეხვედრები მოიცავდა როლურ თამაშებს, დისკუსიას, ანიმაციური ვიდეორგოლის ჩვენებასა და განხილვას, რაც მოზარდების ცნობიერების ამაღლებასა და პასუხისმგებლობიანი ქცევის განმტკიცებას უწყობს ხელს.

კამპანია საქართველოს განათლების, მეცნიერებისა და ახალგაზრდობის სამინისტროს, შინაგან საქმეთა სამინისტროსა და საგანმანათლებლო დაწესებულების მანდატურის სამსახურის ორგანიზებით მიმდინარეობს. საინფორმაციო შეხვედრებში ჯამურად 160 საჯარო, 2 კერძო სკოლა და 7500-ზე მეტი მოსწავლე იყო ჩართული.