მანდატურის სამსახურის თანამშრომლებმა შიდა ქართლის რეგიონში საინფორმაციო შეხვედრები გამართეს

მანდატურის სამსახურის თანამშრომლებმა შიდა ქართლის რეგიონში რესურსცენტრების წარმომადგენლებთან და საჯარო სკოლების დირექტორებთან საინფორმაციო შეხვედრები გამართეს.

შეხვედრების ფარგლებში მონაწილეებმა განიხილეს მანდატურის სამსახურის საქმიანობის ძირითადი მიმართულებები და სერვისები. მათ შორის, სკოლებში უსაფრთხოების უზრუნველყოფის მექანიზმები, ფსიქოსოციალური მომსახურებისა და ინკლუზიური და სპეციალური განათლების მხარდაჭერის მიმართულებები.

შეხვედრების მონაწილეებმა იმსჯელეს უსაფრთხო, ჯანსაღი და ინკლუზიური სასწავლო გარემოს განვითარების მნიშვნელობაზე, არსებული გამოწვევებისა და თანამშრომლობის გაღრმავების შესაძლებლობებზე. ასევე, განისაზღვრა სამომავლო ერთობლივი ღონისძიებების ძირითადი მიმართულებები.