მანდატურის სამსახურის უფროსი პავლე მაჭარაშვილი რეგიონული ცენტრების თანამშრომლებს შეხვდა

მანდატურის სამსახურის უფროსი პავლე მაჭარაშვილი ახალი სასწავლო წლის დაწყებამდე სამეგრელო-ზემო სვანეთისა და იმერეთის, რაჭა-ლეჩხუმისა და ქვემო სვანეთის რეგიონული ცენტრების თანამშრომლებს შეხვდა.

პავლე მაჭარაშვილმა თანამშრომლებს ახალი სასწავლო წლისთვის დაგეგმილი ღონისძიებები და ინიციატივები გააცნო. შეხვედრებზე ყურადღება გამახვილდა სასკოლო თემის წინაშე არსებულ გამოწვევებზე და მათი გადაჭრის გზებზე.

შეხვედრებზე საუბარი შეეხო ახალი სასწავლო წლის ეფექტიანად დაგეგმვის, ორგანიზებისა  და სკოლებში უსაფრთხო, მშვიდი და მხარდამჭერი გარემოს უზრუნველყოფის საკითხებს.

მანდატურის სამსახურის უფროსმა თანამშრომლებს პროფესიონალიზმისა და გუნდური მუშაობისთვის მადლობა გადაუხადა, ხაზი გაუსვა მათ მნიშვნელოვან როლს სკოლებში უსაფრთხო და პოზიტიური გარემოს შექმნის პროცესში.

შეხვედრებს მანდატურის სამსახურის უფროსის მოადგილეები და სტრუქტურული ერთეულების ხელმძღვანელები ესწრებოდნენ.