მანდატურის სამსახურის თანამშრომლებმა სექსუალური შევიწროების საკითხებზე ტრენინგი გაიარეს

მანდატურის სამსახურის თანამშრომლებმა, სხვა საჯარო უწყებების წარმომადგენლებთან ერთად, გაეროს ქალთა ორგანიზაციის მხარდაჭერით, სამუშაო ადგილზე სექსუალური შევიწროების საკითხებზე ტრენინგი გაიარეს.

ტრენინგის მიზანი სახელმწიფო უწყებების წარმომადგენლებისთვის სექსუალური შევიწროების მარეგულირებელი საერთაშორისო სტანდარტებისა და ეროვნული კანონმდებლობის, ასევე პრევენციისა და რეაგირების მექანიზმების გაცნობა იყო.

მონაწილეებმა ასევე მიიღეს ინფორმაცია საქმეთა შესწავლის პრინციპებისა და მეთოდების, მსხვერპლზე ორიენტირებული მიდგომისა და სექსუალური შევიწროების თაობაზე მგრძნობელობისა და ცნობიერების გაზრდის მნიშვნელობის შესახებ.

მანდატურის სამსახურში სექსუალური შევიწროების პრევენციისა და რეაგირების მექანიზმი 2020 წლიდან არის დანერგილი.