მანდატურის სამსახურის უფროსი პავლე მაჭარაშვილი მონიტორინგის სამმართველოს თანამშრომლებს შეხვდა

მანდატურის სამსახურის უფროსმა პავლე მაჭარაშვილმა მონიტორინგის სამმართველოს თბილისისა და რეგიონული ცენტრების თანამშრომლებთან სამუშაო შეხვედრა გამართა.

შეხვედრაზე პავლე მაჭარაშვილმა ყურადღება გაამახვილა მონიტორინგის პროცესის ეფექტიანობის გაზრდასა და ერთიანი სტანდარტების დანერგვაზე.

მან თანამშრომლებს გაწეული საქმიანობისთვის მადლობა გადაუხადა და ხაზი გაუსვა მათ როლს უსაფრთხო საგანმანათლებლო გარემოს უზრუნველყოფაში.

სამუშაო შეხვედრაზე ასევე განიხილეს თბილისის და რეგიონული ცენტრების საქმიანობის სპეციფიკა, გამოცდილების გაზიარების მნიშვნელობა და ყოველდღიურ საქმიანობაში გამოვლენილი გამოწვევების გადაჭრის გზები.